AS TARIFAS DA A-9 ANO 2006 E OUTRAS AUTOESTRADAS A DÍA DE HOXE

ACTUALIZADAS A EUROS E PREZOS DE DIFERENTES TRAMOS.

O AGRAVIO COMPARATIVO EXISTE

E PONTEVEDRA É A PROVINCIA MÁIS DISCRIMINADA.

Itinerario	Tarifa	Km.	¿Cantos km se percorren con 1 €?	Tarifa €/km	Incremento 1.1.2006 %
Vigo – Chapela	0,65 €	2	1 € = 3 km.	0,32	0
O Morrazo – Vigo	0,80 €	4	1 € = 5,3 km	0,19	6,6 %
O Morrazo – Pontevedra	1,90 €	15	1 € = 7,9 km	0,13	2,7 %
Vigo – Pontevedra	2,65 €	22	1 € = 8,3 km	0,12	1,9 %
Pontevedra – Santiago	4 €	60	1 € = 15,6 km	0,06	3,9 %
Santiago – A Coruña	4,65 €	70	1 € = 15 km	0,06	3,3 %
Vigo – Baiona	1,30 €	25	1 € = 19,2 km	0,05	Abril
Jerez – Puerto Real (Cádiz)	0 €	27	0 € = 27 km	0	0

* Tarifas para vehículos lixeiros.

Como se pode observar a simple vista as tarifas máis discriminatorias son as do tramo “urbano” Vigo-Chapela, ou a simple saída de Puxeiros hacia Chapela que non chega ós dous quilómetros.

Pero o realmente incongruente, ano tras ano, é o castigo que sofrimos os usuarios dos tramos Vigo-O Morrazo e Vigo-Pontevedra, que duplican ou triplican en tarifas ó resto da A-9 e aínda por enriba soportan a maior intensidade de tráfico. Aí está a discriminación e tamén o negocio de AUDASA. Sobre a PONTE DE RANDE HAI UN TESOURO... Non está no fondo do mar. Está nas cabinas de peaxe destes itinerarios, nos que tintinean os euros por milleiros e día por día.

Un abuso que tolera o goberno central porque obtén moitos beneficios e que a Xunta de Galicia quere seguir ignorando. Non o entendemos. ¿Por que non se aplica a mesma tarifa en euros por quilómetro en toda a A-9?

Un abuso que soportamos milleiros de traballadores, veciños, estudiantes, empresas ou comerciantes das áreas urbanas de Vigo, O Morrazo e Pontevedra e que temos de paso obrigado a Ponte de Rande sen alternativa, tódolos días.

E para máis INRI-como se dicía antes- a de Vigo-Baiona, por poñer un ejemplo é a terceira ou a cuarta parte.... ¿A quen seguen machacando?

AS REBAIXAS E SUPRESIÓNS DE PEAXES NOS ÚLTIMOS ANOS

OUTROS DATOS DO AGRAVIO COMPARATIVO

DESCONTOS E SUPRESIÓNS DE PEAXES APROBADAS

POLO CONSELLO DE MINISTROS

Ano	Autoestrada (tramos)	Concesionaria	V.lixeiros % rebaixas	V.pesados % rebaixas
1997	Tarragona-Valencia	AUMAR	30	40
1997	Valencia-Alicante	AUMAR	30	40
1997	Sevilla-Cádiz	AUMAR	30	40
1997	Tudela-Izurzun	AUDENASA	25	30
1998	Montmeló-El Papiol	ACESA	50	50
1998	Montmeló-Granollers	ACESA	40	40
1998	Molins de Rei-Martorell	ACESA	40	40
1999	Molins de Rei-Gelida	ACESA	56´2	56´2
1999	Martorell-Gelida	ACESA	66	66
1999	Molins de R-San Sadurni	ACESA	39´3	39´3
1999	Martorell-San Sadurni	ACESA	36´1	36´1
1999	Molins de R.-Martorell	ACESA	32´4	32´4
2000	Salou - Torredembarra	ACESA	LIBRE DE PEAXE NOS MOVEMENTOS INTERNOS
2000	Montmeló-El Papiol	ACESA
2000	Girona Norte-Girona Sur	ACESA
2000	PONTEVEDRA-VIGO	AUDASA	19´13	*
2000	VIGO-O MORRAZO	AUDASA	30	*
2000	Bilbao-Zaragoza	AVASA	39´5
2000	Túneles Guadarrama	IBERPISTAS	20
2005	Jerez-Puerto Real	AUMAR	LIBRE DE PEAXE

· As rebaixas de PONTEVEDRA-VIGO cos incrementos do 2001, 2002, 2003 e 2004 quedaron eliminados e as de VIGO-O MORRAZO a un 17%.

Esta é outra das demostracións palpables de que o Ministerio de Fomento e o propio goberno central teñen dúas varas de medir e aceptaron reducir e incluso suprimir peaxes alí onde houbo maior presión social e institucional. O papel xogado pola Xunta de Galicia nestes últimos anos deixa ver o seu escaso peso político e vai moi por detrás da reclamación unánime, especialmente na Galicia sur.

RESULTADOS ECONÓMICOS DE AUDASA NOS ÚLTIMOS ANOS

EN MILLÓNS DE PESETAS

A PRIVATIZACIÓN DO GRUPO ENA

Outro argumento a favor da supresión da peaxe na Ponte de Rande son os grandes beneficios que está obtendo a concesionaria nos últimos anos e tamén o tráfico que duplica ou triplica en vehículos por día ó doutros tramos da propia A-9. Pódense solicitar datos a AUDASA e comprobar os que ofrece a Plataforma.

Ano	Ingresos de peaxe e explotación	Resultados Beneficios
1994	6.670 Millóns de ptas.	631 Millóns de ptas
1995	7.286 “ “	1.431 “ “
1996	7.887 “ “	2.442 “ “
1997	8.741 “ “	6.247 “ “
1998	10.246 “ “	*
1999	12.352 “ “	6.652 “ “
2000	13.163 “ “	6.922 “ “
2001	85,3 millóns de euros	46 millóns de euros
2002	92,4 millóns de euros	51,7 millóns de euros
2003	101,27 millóns de euros	55 millóns de euros
2004	118,4 millóns de euros
2005	126,65 millóns de euros

Desde a Plataforma consideramos que non podemos ser os que aportemos a maioría dos beneficios do grupo ENA e non recibamos nada a cambio. É posible e viable economicamente –sen que se poña en perigo o equilibrio economico-financieiro de AUDASA, como tantas veces se di- destinar unha parte dos beneficios a suprimir a peaxe nas áreas metropolitanas (accesos a Vigo e A Coruña) para todos os cidadáns sen restriccións como as aprobadas por decreto e, por outra banda, reclamar que se apliquen eses mesmos beneficios para facer unha política de reequilibrio das peaxes que beneficie ós usuarios e non ás concesionarias.