Asemblea de usuarios da Ponte de Rande
Convocada pola Plataforma
Despois das
informacións da directiva da Plataforma sobre as xestións realizadas nos
últimos meses ó máis alto nivel co
propio Manuel Fraga, que se dignou recibir á Plataforma, cos máximos dirixentes
do BNG e PSOE, Sres. Beiras e Touriño e outros deputados e tamén da
interpelación ó vicepresidente Mariano Rajoy en Vigo a comezos deste mes de
novembro, coas explicacións da presidenta da Plataforma, Modesta Riobó e do
vicesecretario Manuel Méndez que coincidiron na cativa resposta de Fraga e no
compromiso dos partidos da oposición de seguir na defensa dos cidadáns que non
teñen outra alternativa máis que a Ponte de Rande, pasouse á analise e a un
vivo debate sobre o novo decreto da Xunta de Galicia –publicado o 20 de
novembro do 2002.
Este decreto é o enésimo cambio que realiza a Xunta
de Galicia ante a presión social á que foi sometida por parte de todos nós, os
veciños do Morrazo e do sur de Galicia, en xeral.
Hai que recoñecer o papel dos partidos da
oposición, sempre en boa liña de presión institucional con interpelacións
constantes nos parlamentos de Santiago e de Madrid que contaron, case sempre,
co voto negativo do PP.
Froito das mobilizacións e das marchas a pé ata a
Ponte de Rande é a supresión do número mínimo de viaxes.
Froito tamén das presións da propia Plataforma que
nas entrevistas con Fraga e Rajoy dos últimos días podía mostrar con orgullo as
fotografías de milleiros de persoas ou as promesas incumpridas de ambos
dirixentes recollidas nos xornais galegos en grandes titulares.
A tarxeta non caeu do ceo nin é un regalo da Xunta.
É un logro do movemento cidadán, de todos nós.
Xa sabemos que é
un “parche autóctono”, ou unha “chapuza” como prefiren definila outros, porque
o camiño emprendido pola Xunta foi un erro, asumindo ela e as deputacións un
custo que non deberían afrontar.
Pero aquí hai algo do que debemos ser conscientes:
o goberno galego COMPENSA A AUDASA por determinados favores (a participación na
construcción da autoestrada de Santiago-Lalín-Ourense, e tamén quererá
compensar ás caixas de aforros CAIXANOVA e CAIXAGALICIA que tamén entraron na
financiación desta autoestrada –por petición expresa da Xunta- e que xa
preparan o desembarco para entrar na privatización do grupo ENA que se está
cocendo, xunto con outras empresas constructoras.
¿Como compensa a AUDASA?
Incomprensiblemente aboándolle a peaxe dos
itinerarios de Vigo-O Morrazo e viceversa ó 100%, sen descontarlle siquera o
25% na viaxe de volta que lle fai a propia AUDASA a calquera usuario que teña a
súa tarxeta.
¿Como compensará ás caixas de aforros?
Tamén como compensación pola posta en marcha das
tarxetas e bonos-peaxe que para as caixas era un paquete de mal gusto, elas
veranse favorecidas se entran na privatización, tal como está previsto,
asegurando beneficios ao seren accionistas de varias autoestradas rentables por
un periodo de máis de cincuenta anos.
O papel dos concellos.
Cos líderes da
oposición falouse do papel que deben seguir xogando os concellos afectados
porque a Plataforma e eles mesmos manteñen a tese de que o bono-peaxe non é
suficiente dado que non resolve o problema de tódolos usuarios.
Quedan fóra:
Porque non se resolve o tema das
tarifas discriminatorias nos diferentes tramos de Vigo-Pontevedra que seguen
duplicando ou triplicando outras tarifas da propia A-9 e outras autoestradas.
·
Polas excesivas trabas burocráticas que
impón o decreto.
·
Pola repercusión da futura declaración
como ingreso á Facenda.
·
Porque un vehículo de propiedade
familiar só podrá ter un titular da tarxeta e será considerado uso fraudulento
que a use outra persoa da mesma familia.
En resume, porque xa no artículo primeiro do
decreto se condiciona o outorgamento da subvención á existencia de crédito
presupostario axeitado e suficiente. No momento que queira a Xunta ou a
Deputación desaparecerá o bono-peaxe.