INDIGNACIÓN
ANTE A SUBIDA DAS PEAXES NA A-9
A Plataforma cidadá pola supresión da peaxe denuncia a
insensibilidade dos gobernos central e autonómico por aplicar a subida das
tarifas na A-9 sen ter en conta o grave impacto económico da catástrofe do
Prestige en Galicia.
Con indignación
foi recibida esta noticia entre os membros da Plataforma que hai poucos días
remitían ós máximos responsables da Xunta e do goberno central as peticións de
rebaixas e de supresión da peaxe da Ponte de Rande –acceso e saída de Vigo-
utilizada diariamente por milleiros de persoas e que non conta con vía
alternativa.
Unha supresión da
peaxe que debería selo para todos e non para unha minoría que usa o bono-peaxe
ofrecido pola Xunta e que en forma de subvención pagamos tódolos galegos, cando
os beneficios millonarios de AUDASA están a ingresalos os ministerios de
economía e de fachenda.
Denunciamos a
pasividade do presidente Fraga para reclamar estas medidas reactivadoras da
economía e evitar o impacto negativo incluso sobre o voluntariado, as empresas,
as confrarías, os transportistas e centos de empresas que colaboran enviando
material ou alimentos que ó pasar polos postos de peaxe incrementan os
beneficios da concesionaria.
Resulta vergonzoso
ver como seguen sen cumprirse os compromisos electorais do Partido Popular
anunciados a bombo e platillo polo Sr. Rajoy en Vigo o 5.02.2000 (ver páxina
web da plataforma www.randeune.com) ou
escoitar hoxe mesmo ó Sr. Arenas dicindo que o 95% dos compromisos do partido
popular estaban cumpridos a estas alturas da lexislatura.
O Morrazo, a 1
de xaneiro do 2003