A PLATAFORMA ANTIPEAXE CONTINÚA O SEU LABOR
INFORMATIVO E REIVINDICATIVO EN INTERNET
A plataforma cidadá pola supresión da peaxe ofrece os datos de entradas na súa páxina principal e nos dominios rexistrados por ela.
Dominios rexistrados www.randeune.com, www.bonopeaxe.com, www.antipeaxe.com e www.audasa.org
17.782 visitas no ano 2004
Das 1.247 visitas en xaneiro ata as 3.068 visitas de decembro. Dende o mes de setembro (coincide coa campaña do bonopeaxe para tod@s), as visitas estabilízanse en 100 diarias. A polémica do ano 2005 fixo subir as visitas a 150 cada dia. Rexístranse visitas de ata 25 países diferentes (España, gran parte de Sudamérica, Japón, Singapur, Australia, etc).
A páxina actualízase practicamente a diario coa información que acerca das peaxes no sur de Galicia xenera a Plataforma, os medios de comunicación ou calquera outro organismo ou administración.
A páxina ofrece acceso ós apartados de historia, o boletín, os estatutos, documentos, As promesas, comunicados de prensa, a descarga da canción, humor e datos de contacto da plataforma. (pequena descrición de cada apartado)
Destácase información respecto dos propietarios da concesión, unha estadística de paso de vehículos pola ponte dende 1995 ata 2004, Información sobre os beneficios da concesionaria ( SACYR) no último ano e un listado das tarifas da ponte dende o 1981 ata agora.
Ofrécese un acceso directo a toda a información de que dispoñemos sobre o bonopeaxe, incluso a descarga dos modelos para solicitar a subvención no concello.
Podemos escoitar a promesa que fixo Rajoy o 5 de febreiro do 2000 (“Yo les puedo asegurar que en la próxima legislatura no habrá peaje en Rande”).
Agrupadas, ofrécense todo tipo de informacións acerca da privatización de ENA, coa concesión ampliada ata o ano 2048.
Diariamente actualizada, ofrécese toda a información da que dispón a plataforma en formato dixital (comunicados, noticias de prensa, artigos de opinión, todo tipo de documentos, viñetas de humor, etc) dende o 18 de novembro de 1998.
Por outra banda, a Plataforma mantén unha serie de contactos con organizacións e plataformas cidadás de diferentes puntos de España para estar informados doutras reivindicacións e das promesas e acordos que se van producindo entre o ministerio de fomento e diferentes comunidades autónomas, concellos, etc.
Por último, ten instaladas unha serie de “alarmas” nos principais buscadores para que nos remitan a información que se vai xenerando e que teña que ver con peaxes, acordos, promesas do psoe, etc. en calquera punto da xeografía española.
O Morrazo, 30 de xaneiro de 2005
Secretaría da Plataforma Cidadá pola supresión da peaxe
