MENTRAS,
AQUÍ AGARDAMOS VER AS CONDICIÓNS
DA PRIVATIZACIÓN DE ENA NOS PRÓXIMOS DÍAS
Este ano 2003
comezou con novas rebaixas e supresións de peaxes para os usuarios das
autoestradas catalanas. O goberno catalán aprobou a gratuidade das peaxes entre
La Llagosta e Mollet (C-33) e entre Rubí e Les Fonts (C-16) en Barcelona para
os usuarios habituais e para todo tipo de vehículos.
Tamén
aprobou descontos do 50% nos túneles del Cadí (Lleida) e nos del Garraf
(Barcelona). Para compensar a gratuidade a Generalitat deberá desembolsar entre
4,5 e 4,8 millóns de euros ó ano.
Os
descontos benefician ós usuarios que realizan un mínimo de oito viaxes ó mes,
de luns a sábados, sen incluír os festivos. O criterio seguido polo goberno
autonómico do que dependen estas vías foi o de acordar a gratuidade para os
usuarios habituais que non teñen unha vía alternativa para efectuar as súas
comunicacións por razóns obrigadas. Un caso moi semellante ó da Ponte de Rande
na Ría de Vigo.
Mentras tanto
aquí en Galicia observamos con preocupación como se acerca a privatización de
ENA, grupo no que está incluída a A-9, e tamén como a Xunta non dá información
do proceso que debería levar consigo a supresión para todos da peaxe de Rande e
a remodelación das tarifas para que non seguiran sendo discriminatorias na
provincia de Pontevedra que se está convertindo no territorio do Estado con
máis km de peaxe.
Desde
a Plataforma cidadá pola supresión da peaxe solicitamos ó Presidente da
Xunta que informe á cidadanía dos pasos que deu diante da SEPI tal como se
comprometeu no seu día. (Ver declaracións súas de 12.04.2002 na www.randeune.com apartado As promesas
).
“El
Presidente de la Xunta reiteró ayer la intención del gobierno gallego de garantizar
la gratuidad del peaje de la A-9 entre Vigo y el Morrazo, aprovechando el
proceso de privatización de AUDASA.”
Unha privatización valorada xa en 1.500 millóns de euros ou o que é
o mesmo 250.000 millóns de pts. que aportamos nun 70% tódolos galegos e que
irán directamente ás arcas do Estado. ¿Cal vai ser a compensación ou a
solidariedade do goberno central?
Aquí
deixamos a pregunta no aire e nos vindeiros días comprobaremos se a supresión
está no caderno de venta que se vai entregar ás empresas interesadas neste
fabuloso negocio das autoestradas. Información que lle foi solicitada a tódolos
grupos parlamentarios e á SEPI.
A
directiva da Plataforma tomou o acordo de convocar a VII MARCHA POLA SUPRESIÓN
tan pronto como se saiba que no prego de condicións non se contemple a
supresión dunha peaxe inxusta que levamos pagando 22 anos e que non estamos
dispostos a pagar ata o 2048.
O
Morrazo, a 31 de xaneiro de 2003
A XUNTA DIRECTIVA