PLATAFORMA CIDADÁ POLA SUPRESIÓN DA PEAXE

CIF- G-36.361.889

MODESTA RIOBÓ DIOS, Presidenta da Plataforma cidadá pola supresión da peaxe, con enderezo en Verdeal, 22, Domaio – MOAÑA, MANUEL MÉNDEZ FRAGUAS, Vicesecretario da mesma asociación, VERÍSIMO PAZOS BESADA, Vicepresidente en representación da Federación de AA. VV. Castelao de Pontevedra e JOSÉ CIDRÁS FERRADÁS, Vicepresidente en representación da Federación de AA. VV. Eduardo Chao de Vigo, a vostede

EXPOÑEN:

Que diante do proceso de privatización do grupo ENA e coñecedores de que vostede segue moi de cerca o tema e pode influir no mesmo é polo que nos gustaría ter un cambio de impresións sobre o asunto para expresarlle a nosa opinión.

Que dado que onte mesmo declarou que estaba disposto a recibir a quen lle solicitara unha entrevista queremos transmitirlle unha petición de interese público para que se resolva o tema da peaxe da Ponte de Rande dunha maneira satisfactoria para todos, empresarios e usuarios, que non dispoñemos doutra vía alternativa entre o norte o o sur da Ría de Vigo.

Que neste momento vaise elaborar o pliego de condicións e a Xunta non debe quedarse á marxe dado que a maioría das empresas que se van privatizar están aquí e os beneficios que se prevén ata o 2048 serán aportadados en máis dun 75% polos galegos. Algunha compensación deberiamos ter.

Por todo elo,

SOLICITAN:

Que faga un esforzo por recibirnos e nos conceda unha entrevista para dialogar sobre este tema.

Agardando a súa resposta e igualmente vernos compracidos aproveitamos a ocasión parea enviarlle un saúdo

Moaña, a 4 de outubro de 2002

A PRESIDENTA,

Modesta Riobó

SR. DON MANUEL FRAGA IRIBARNE

PRESIDENTE DA XUNTA DE GALICIA

Pazo de Raxoi – 15705- SANTIAGO DE COMPOSTELA