ANTÍA CAL lerá o manifesto a favor da supresión da peaxe de Rande no remate da VI marcha

Impulsora do movemento de renovación pedagóxica en Vigo. En 1961 abriu o colexio Rosalía de Castro, escola pioneira na nosa comarca na que se introduciron sistemas de ensino inspirados nos novos movementos pedagóxicos europeos. Foi a primeira escola na que se impartiu clase en galego. Antía Cal defendeu a cultura galega e introduciu ideas progresistas e anovadoras no mundo do ensino nunha época na que as escolas estaban presididas polos principios do movemento franquista.

Nomeada Viguesa Distinguida 2002.

ANTÍA CAL, unha personalidade destacada no mundo da cultura e do ensino, síntese de Domaio, onde vive desde antes da inauguración da famosa Ponte de Rande, aínda que naceu hai un bo puñado de anos en Cuba e pasou a súa mocidade nas terras da Coruña e Santiago.

A Plataforma agradécelle de antemán a súa colaboración e a súa participación.