1.- Un ano de
xestións ó máis alto nivel (Valedor, Grupos parlamentarios, Cabanillas, Rajoy,
Fraga e Cascos), xestións que non deron o resultado que se agardaba.
Por un lado todos eles
“nos dan a razón”, confirman a inexistencia de vía alternativa á Ponte de
Rande, de tarifas inxustas e discriminatorias, prometen que farán o que poidan
ou non se lembran das promesas realizadas e temos que refrescarlle a memoria
como é o caso do vicepresidente Rajoy.
Chegan a
garantizar hai un ano que coa privatización se resolverá definitivamente o tema
e agora que o proceso está en marcha non dan o paso necesario de incluir a
supresión da peaxe de Rande no pliego de condicións nin a remodelación das
tarifas.
2.- Velaí o cartel
e as declaracións de Rajoy que podedes escoitar na web da plataforma. Páxina do
boletín FARTOS DE PROMESAS.
Non foi, como
sabedes o único, porque desde as primeiras mobilizacións de 1999 houbo un feixe
delas. (Fraga, Cuíña, Juan Casares, Alcalde de Cangas, etc.)
3.- Convén
resaltar os acordos da Xunta, Alcaldes e Deputacións de febreiro do 2000 que
nunca se cumpriron ou un acordo por unanimidade do parlamento galego de hai
máis dun ano.
Non é o caso dos
partidos da oposición ós que lle agradecemos o seu traballo nas institucións,
nos parlamentos e nos concellos.
4.- Cando un
compromiso non se cumpre, debemos sinalar a quen o fixo e nesta convocatoria
centrámonos na promesa de Rajoy. A ver se vos gusta esta
5.- A Plataforma
realizou un envío desta banda sonora, do cartel e do Boletín a tódolos
responsables políticos (Fraga, Núñez Feijoo, Valedor do pobo, Grupos
parlamentarios, Aznar, Cascos, Rato e Rajoy, así como a tódolos alcaldes das
áreas metropolitanas de Vigo e Pontevedra.
6.- Volverán a prometer antes da marcha, coma sempre,
pero non van conseguir desmobilizar a milleiros de usuarios que temos unha
barreira, unha fronteira de pago para entrar e saír da casa tódolos días, que
temos conciencia de que se está cometendo unha inxustiza social cunha parte
importante da poboación obrigada a atravesar a Ponte de Rande por razóns de
traballo, sanitarias ou de estudios diariamente.
7.- Da
privatización de ENA que se aveciña podedes quitar os datos do Boletín
informativo ou preguntar nesta rolda de prensa.
Resulta verdadeiramente escandaloso que a Xunta de Galicia renuncie a que algúns beneficios do grupo ENA revirtan nos propios galegos, reclamándolle ó goberno central a supresión da peaxe de Rande e a remodelar as tarifas entre Pontevedra e Vigo que duplican ou triplican ás doutros tramos da A-9 ou outras autoestradas.
Resulta
escandaloso que os galegos aportemos ó grupo ENA o 70% dos beneficios
anualmente e a Xunta permaneza pasiva ou mentindo cada vez que facemos unha
mobilización.
Hai dous días o
novo conselleiro Núñez Feijóo declaraba que a Xunta “continuaba haciendo
gestiones para lograr la eliminación total del peaje...” e Álvarez Cascos no mesmo
día afirmaba que ignoraba o que facía a Xunta.
A privatización de
AUDASA non beneficiará ós usuarios, nin ás empresas, nin á sociedade galega.
Somente
beneficiará ó goberno central e ós compradores.
Os perdedores
seremos os usuarios e a Comunidade autónoma.
¿Por qué se
argumenta sempre que “no hay que romper el equilibrio enocómico de la
concesionaria” cando é ben sabido que desde hai varios anos os beneficios son
impresionantes? Concretamente no ano 2002 aí tedes os datos: AUDASA 8.600
MILLÓNS DE PTS DE BENEFICIOS
ENA 12.800 MILLÓNS
A PRIVATIZACIÓN
supoñerá máis de 1.500 millóns de euros ou de 250.000 millóns de pesetas que
emigrarán de Galicia sen recibir nada a cambio.
Dúas palabras
sobre o BONO PEAXE que inventou a Xunta e que nos autopagamos os propios
galegos nunha autoestrada competencia do Ministerio de Fomento, algo insólito
como lle dixemos ó Sr. Cascos. Fágalle un favor á Xunta que se comprometeu coa
cidadanía a pagar a algúns usuarios, con milleiros de trabas burocráticas, que
non poden solicitar as empresas, nin o transporte de viaxeiros, que xa non se
pode solicitar ata finais de ano. Onte mesmo rematou o prazo por decreto.
Que non vale para
a unidade familiar porque é persoal e intrasferible, que se cambias de coche
mañán xa te quedas sen el, etc. etc.
Somos conscientes
de que VII marcha pode ser definitiva neste momento clave da privatización e a
Xunta debe reaccionar. A pesares da guerra, do Prestige, ou mellor dito
obrigado polas circunstancias de quedar relegado a un terceiro ou cuarto plano,
decidimos lanzar a campaña máis potente das realizadas ata agora e reforzaremos
a presencia nestes días nas comarcas de Vigo, Pontevedra e O Morrazo con
megafonías desta banda sonora, cuñas de radio, 3.000 carteis, 10.000 boletíns e
15.000 pegatinas.
Hai un ano
acudiron entre dez e quince mil persoas e agora podemos superar ese reto.
Teñen confirmado a
súa asistencia numerosos deputados da oposición e alcaldes.
Haberá
avituallamento con auga e refrescos, autobuses de volta gratuitos desde Rande a
Moaña que é o punto de partida e lerá o manifesto un persoeiro do mundo da
cultura, do cine, que desvelaremos nun par de días.
Outras veces
estiveron ANTÓN REIXA, MORRIS, SUSO DE TORO ou outros, aportando o seu papel
solidario.
Se MANU CHAO
estivera aquí el sería o invitado porque a súa canción de MENTIRA vai ser tamén
protagonista. A última vez que contactamos con el estaba en París, cando lle
falamos do proxecto da cuña publicitaria.
Será a campaña
máis potente e, sobre todo, máis sonora desta Plataforma que sempre tratou de
sumar esforzos e actúa sen complexos porque e ten un apoio case unánime da
sociedade galega e somentes crea contradiccións no goberno da Xunta e no
goberno central.
Gracias pola vosa
presencia e solicitámosvos que esteades presentes o sábado 5 ás cinco para
comprobar in situ os milleiros de persoas que camiñaremos para que se resolva
esta inxustiza.