DENUNCIAS CONTRA A PLATAFORMA

Con argumentos falsos

Asistimos nestes pasados días -23 Febreiro no Atlántico, Voz de Galicia Edic. Vigo e no Faro de Vigo Edic. Morrazo e Diario de Pontevedra-  a unha ceremonia da confusión porque algúns medios publicaron que Fomento abonaba a Catalunya 17 M de € para “rebaixar peaxes” nun 7%, aínda que logo facían referencia a un decreto do ano 1999 polo que se establecían unha serie de compensacións a tódalas concesionarias das autoestradas.

Algúns políticos, coma o alcalde de Cangas e mailo presidente da Deputación, xa denunciaron que o Ministerio de Fomento entregaba 17 M de € a Catalunya para que rebaixara as súas peaxes nun 7% e arremetía contra esta Plataforma por non denunciar a posible discriminación. “En Catalunya se rebajarán peajes mientras que el de Rande sube”.

Nada máis falso por non estudiar a fondo as cousas. Os economistas que colaboran coa Plataforma aclaráronnos esta situación e podemos informar con todo rigor que esta compensación obedece a un convenio e a un real decreto 6/1999 polo que se rebaixaran as tarifas nun 7% e logo houbo que compensar ás concesionarias ou á Generalitat, porque corresponde a autoestradas da súa competencia. Aquí en Galicia, aquel decreto tamén favorece tódolos anos a AUDASA.

DATOS SOBRE REBAIXAS E INDEMNIZACIÓNS A AUDASA

PARA COMPARAR CO CASO CATALÁN

Así é que no caso galego, atopamos recollida esta importante transferencia nos presupostos xerais do Estado dos últimos anos. Aínda que nós como Plataforma non esteamos de acordo porque esta transferencia é hoxe sangrante e non debería estar xustificada despois da privatización e dos bos resultados que ten a propia AUDASA.

O Morrazo, a 28 de febreiro de 2006

Manuel Méndez, Presidente da Plataforma