ENTREGA DUN AGASALLO A SIRO LÓPEZ LORENZO

POR PARTE DA PLATAFORMA ANTIPEAXE

         A Plataforma cidadá pola supresión da peaxe entregou esta tarde no Café Moderno de Pontevedra, un agasallo conmemorativo do XXV aniversario da Ponte de Rande ao humorista gráfico Siro López polas viñetas publicadas ao longo dos últimos anos na Voz de Galicia e en diversas exposicións que tiñan como tema a famosa Autoestrada do Atlántico AP-9 e diferentes personaxes como o expresidente Fraga, a ministra de Fomento, o presidente Touriño, o Sr. Rajoy e outros.

         É unha maneira de agradecer o seu traballo e tamén un motivo de ledicia poder asistir a unha conferencia súa sobre o humor de Castelao. Humor que é tan necesario nestes momentos de tanta polémica co asunto da liberación da peaxe da Ponte de Rande entre o norte e o sur da ría de Vigo e das reclamacións do concello de Pontevedra e diversos sectores sociais coincidentes coas que viña mantendo a Plataforma desde 1998.

         Adxuntamos unha das viñetas de Siro que se pode ver na nosa web www.randeune.com

                                               Pontevedra, 20 de abril de 2006        

   O Presidente da Plataforma,

                                                          Manuel Méndez

Fraga solicita á ministra de fomento que pague a factura do bono peaxe.