Advertencias da Plataforma á Xunta e ós ministros de Fomento
e Facenda
UN PASO MÁIS. A
Plataforma cidadá pola supresión da peaxe decidiu na reunión da súa Xunta
Directiva celebrada onte dar a coñecer un novo recurso presentado polo seu
gabinete xurídico ante o Tribunal Constitucional como continuación do
Contencioso-Administrativo que mantén diante da sala terceira do Tribunal
Supremo.
Esta batalla xurídica a favor da liberación da
peaxe da Ponte de Rande para todos é unha triple advertencia porque vén a
demostrar a insuficiencia dos “bonos peaxe” aprobados pola Xunta e que non
solicitaron nin un 10% dos potenciais usuarios do Morrazo e unha porcentaxe
ridícula de usuarios da A-9 doutros concellos da provincia.
Advertencia tamén para o Sr. Álvarez Cascos
que non se dá por enterado da existencia do problema da peaxe de Rande sen vía
alternativa nin da discriminación das tarifas nos tramos da Galicia sur, a
pesares dos dossieres que se lle remitiron. E, en terceiro lugar, advertencia
para o Ministro de Facenda, Sr. Montoro, para que se vaia informando que cando
abra o proceso de privatización de AUDASA despois do verán atoparase con este
problema sen resolver e con novas mobilizacións.
Acordouse tamén denunciar á Xunta porque nas
peaxes que comezaron a pagar a AUDASA
dos usuarios que dispoñen dos bonos-peaxe, estanlle abonanado á concesionaria o
100% dos importes demostrando que non negociaron nin o 25% de desconto que xa
se lles aplicaba na viaxe de volta a tódolos usuarios da antiga tarxeta da A-9.
Unha demostración de que non se realizou unha boa xestión porque non lle
preocupan os cartos públicos.
Durante o verán seguiremos incidindo en que os
“bonos-peaxe” non son a solución e con esta idea realizaranse algúns actos de
protesta diante dos cargos públicos que visiten o Morrazo ou o sur da provincia
de Pontevedra.
Por último, tamén se realizarán murais na
c-550 e continuarase o reparto masivo de pegatinas para os vehículos.
25
de xullo de 2002