Pasou o novo
conselleiro polo Morrazo no primeiro día da campaña electoral a “inaugurar as
obras do Corredor do Morrazo” e afirmou respecto da peaxe de Rande que seguen
traballando no tema desde a Xunta, que “hai que seguir xogando a pelota” e a
nós dános a impresión que quixo botar balóns fóra.
Temos a convicción
de que non quere recibirnos, como se lle pediu, para falar e discutir o tema da
privatización e outros relacionados coa famosa tarxeta que ten moitísimos
problemas, porque non se pode volver a solicitar ata finais de ano, porque se
suprimiron os cabinas de paso automático e se producen máis retencións que
antes na peaxe do Morrazo, porque non a adaptaron para pasar sen parar, como
sería o lóxico, etc. etc.
Seguro que non nos
recibe porque non ten argumentos e ademais os empresarios estanlle prantexando
a supresión da peaxe de Rande para todos tanto a el mesmo como a Rajoy.
Volverán a prantexarllo no Club Financieiro de Vigo o próximo martes e a Xunta
permanece calada.
Viñeron a facer un
paripé de comezo das obras do Corredor do Morrazo e os veciños afectados non
temos siquera resposta ás cuestións prantexadas de reposición de danos,
aterramento de pozos, manatiais de auga potable, destrucción de embalses,
etc. Foi un acto exclusivamente
propagandístico e case se pode tomar a broma de mal gusto.
Vai ser un
Corredor que producirá retencións quilométricas coa entrada e saída do Morrazo
con peaxe se non o remedian a tempo.
Desde a Plataforma
lembramos que a finais deste mes remata o partido da privatización de
AUDASA coa presentación de ofertas e
estáselle acabando o tempo para que modifiquen as condicións de venta.
Tamén se lle acaba
o tempo ó propio Fraga que comprometeu a súa palabra de supresión ligándoa á
privatización. Logo falaremos e tomaremos decisións. Seguramente veremos a
Fraga e a Rajoy acompañado da ministra de sanidade, Ana Pastor, nalgún mitin da
campaña e teremos a ocasión de lembrarlle as súas promesas fotografiados o 5 de
febreiro de 2000 en amor e compañía. Eles seguro que non teñen problemas cos
centros de saúde nin con pagar peaxe por ir a POVISA como nos pasa diariamente
ós veciños do Morrazo. Ogallá veñan os tres xuntos a Moaña a inaugurar o novo
concello. Sería un bo espectáculo.
A Plataforma é
consciente de que este problema pendiente de resolver satisfactoriamente vai
ser utilizado na campaña electoral con novas promesas e agarda da cidadanía que
non se deixe engañar unha vez máis.
O
Morrazo, 10 de maio de 2003
O
Presidente da Plataforma,
Jesús
Cancelas Franco