A Plataforma antipeaxe responde a “El
defensor del pueblo”, Núñez Feijóo e a Rafael Louzán
A
Plataforma cidadá pola supresión da peaxe dá conta do último escrito recibido
en resposta ás queixas presentadas ante esa Institución e remitido pola Adjunta
1ª del Defensor Mª Luisa Cava de Llano ( ver detalle) no que
“Se indica que se está
estudiando el tema del Peaje de Rande en el Ministerio de Fomento junto con
otros de problemática similar en la elaboración del Plan Estratégico de
Infraestructuras y Transportes (PEIT)”.
“Se desprende de cuanto
antecede que el problema planteado no tiene una solución inmediata aunque la
voluntad política que se trasluce conduce a considerar que se van a adoptar
medidas tendentes a lograr una adecuada solución al aunto de que se trata.”
“Se ha pedido a la
administración que actue con agilidad en la conclusión del estudio dado el
tiempo desde que se viene solicitando por los usuarios de ese tramo de
autopista la supresión del peaje”.
A Plataforma considera que
esta Institución se limita a informar do que lle di o Ministerio de Fomento e
non a defender aos usuarios tal como se lle reiterou en numerosas ocasións. Todo
o que nos conta xa o sabiamos. Parece que perdemos o tempo enviándolle queixas
documentadas da inxustiza que sufrimos desde hai 23 anos.
En segundo lugar, en
relación coas últimas declaracións de Núñez Feijóo e Rafael Louzán (ver detalle) indicando que en decembro
prantexarán o tema de deixar de pagar o bono-peaxe e que pedían ao goberno
central que se fixera cargo da factura do bono-peaxe, queremos dicir que esa
non é a solución.
Os esforzos das institucións
galegas deberían ir encamiñados a reunirse cos máximos responsables de Fomento
para expoñerlle a situación da Ponte de Rande como parte da área metropolitana
de Vigo sen vía alternativa, indicándolle con rotundidade que se trata dun vial
de acceso e saída de Vigo, que non merece ser chamado siquera un tramo de
autoestrada polas deficiencias que ten e que se toleran (sen arcéns, sen
iluminación nocturna, con límite de velocidade a 80 e outras carencias).
Respecto da ameaza de non
afrontar o pago do bono-peaxe a partir de decembro, lembrámoslle que estas
administracións asinaron en marzo deste mesmo ano un convenio ata finais do
2005 e con estas declaracións parece que se burlan dos usuarios por non cumprir
os seus propios compromisos.
Lembrámoslle tamén que cando
puxeron en marcha o bono-peaxe dicían a coro que “era marabilloso, un sistema
único e moitas outras flores que están recollidas nas hemerotecas”.
Desde a Plataforma sempre se
lle dixo á Xunta e á Deputación que era o goberno central quen debería suprimir
a peaxe e agora dicimos o mesmo. Recomendámoslle á Xunta que siga esa xestión
que non quixo facer en tempos de Álvarez Salgado e Cascos para non molestar ao
goberno amigo.
O Morrazo, 6 de novembro de
2004
O Presidente: JESÚS CANCELAS
FRANCO
