|
A xunta directiva da Plataforma cidadá pola supresión da peaxe despois de valorar as propostas anunciadas polo conselleiro de política territorial e polo PSOE sobre a futura construcción dunha alternativa á AP-9 entre Pontevedra e Vigo, que tería como consecuencia a liberalización da peaxe actual, alternativas coincidentes no fondo, acordou facer pública a seguinte nota:
Se é esa a solución, non perdamos máis tempo. Adiante e póñanse a traballar no Ministerio
de Fomento.
Reclamamos un acordo
do consello de ministros no que se contemplen os estudos de viabilidade da proposta, os acordos coa concesionaria, o proxecto de
trazado, a circunvalación de Pontevedra, os presupostos
e os prazos de construcción.
Non entramos a valorar máis en profundidade as propostas anteriores porque das
promesas electorais xa estamos fartos desde o ano 2000.
Os responsables do PP tiveron tempo dabondo para resolver o tema destas
peaxes inxustas e, incluso,
oportunidades magníficas como foi a privatización do
grupo ENA e non o fixeron.
Os responsables do PS de G deben saber
que noutros lugares do Estado, neste
último ano, estivéronse producindo
acordos por escrito entre o Ministerio de Fomento e
as concesionarias ou diversos territorios ou autonomías e aquí en Galicia non hai
máis que palabras.
Mentras
tanto, solicitamos tanto da Xunta como dos responsables de fomento a mellora do “Bono-peaxe”, unha medida que aminorou a inxustiza que supón un paso obrigado
pola Ponte de Rande, pero que ten aínda
moitas trabas burocráticas como a non validez para os
usuarios do tramo Pontevedra-Vigo, a non validez para o transporte de viaxeiros, as empresas, a non validez para a unidade familiar, etc. etc. Agardamos feitos concretos e seguimos abertos ao diálogo coas institucións e cos representantes políticos de tódolos grupos coma sempre dado que o problema existente aféctanos a todos.
|