TARXETA
A9 BONO-PEAXE
Condicións tan
incongruentes como a de non contemplar a unidade familiar no uso do vehículo,
dado que “a utilización da tarxeta é persoal e intransferible” e no caso de uso por outra persoa que non
sexa a titular do vehículo será considerado un uso fraudulendo e conlevará a
retirada da mesma.
Non poideron
solicitala as persoas xurídicas, é dicir, empresas, comercio, industria, etc.
porque quedaron excluídas por decreto.
Non valerá para os
que realicen menos de 10 viaxes por mes nin máis de 80.
Tampouco valerá
para que che desconten o paso pola Ponte de Rande se viaxas de Vigo a
Pontevedra ou viceversa polo que esa tarifa seguirá sendo discriminatoria e
pagaremos o dobre en euros/km que no resto da A-9 e o triple que na do Val
Miñor.
Total que
seguiremos pagando todos a peaxe pero doutro xeito. Cos nosos cartos pero que
agora serán aportados pola Deputación e a Xunta que se nutren do diñeiro de
todos. Incluso van pagar estas “subvencións” os que non van disfrutar dese pase
gratuito por Rande.
Con este “parche
autóctono” parece que a Xunta renuncia a reclamar do goberno central a
supresión da peaxe de Rande como acordou unanimemente o Parlamento Galego ou
como debería ser porque non existe vía alternativa entre o norte e o sur da Ría
de Vigo. Sería ben triste.
É evidente que
agora se vai demostrar, na práctica, como non se cumpriron as expectativas
creadas con tantas promesas. Os “bonos-peaxe” van ter un uso minoritario e os
que o reciban non quedarán nin satisfeitos e menos cando o 1 de novembro teñan
que renovar tódolos certificados de estar ó día no pago con tódalas
administracións e no ano que vén incluir esas cantidades ingresadas na
declaración da renda.
Rande une e a
tarxeta segue discriminando.
13 de maio de 2002 Manuel
Méndez